Main Menu

આજે વહેલી સવારથી શત્રુંજયની છ’ગાઉની યાત્રાનો પ્રારંભ

 

(દિપક ગોહિલ દ્વારા – પાલીતાણા)
તીર્થધામ પાલીતાણામાં છ ગાઉની યાત્રા તરીકે ઓળખાતો ઢેબરિયા તેરસ આજે તા.27 ફેબ્રુઆરીના રોજ વહેલી સવારથી પ્રારંભ થઈ ગયો. જય જય આદિનાથના નાદ સાથે ભાવિરો છ ગાઉની યાત્રાનો ભાવપૂર્ણ પ્રારંભ કર્યો હતો.

છ ગાઉની યાત્રા કરવા દેશભરમાંથી અંદાજે 50 હજાર શ્રદ્ધાળુઓ આવ્યા હોવાનું અનુમાન લગાવી શકાય છે. સવારે શત્રુંજય તળેટીમાં વિશાળ માનવ મેદની યાત્રા શરૃ કરવા ઉમટી પડ્યા હતા. તળેટીમાં પૂજન વંદન કરી યાત્રાને જય આદિનાથના નારા સાથે પ્રારંભ કર્યો હતો. સિદ્ધવડ ખાતે 97 પાલ ઉભા કરી યાત્રિકોની ભક્તિ કરાઈ રહી છે અને શેઠ આણંદજી કલ્યાણજી પેઢી દ્વારા યાત્રાળુઓ માટે સુંદર વ્યવસ્થા કરવામાં આવી છે.


છ ગાઉની યાત્રા કરવા ગામોગામથી ભાવિકો ઉમટી પડે છે. તેમજ અલગ અલગ સીટીમાંથી વિશેષ બસો-લકઝરી ખાનગી બસો દ્વારા યાત્રિકો મોટી સંખ્યામાં પુણ્યનું ભાથુ બાંધવા તીર્થધામ પાલીતાણા આવે છે. શત્રુંજય ગિરિરાજ પર છ ગાઉની યાત્રા કરવાનું જૈન સમાજમાં ફાગણ સુદ તેરસે વિશેષ મહત્વ છે.