Main Menu

Sunday, February 25th, 2018

 

પાલીતાણા અને નવાગામમાં વિદેશ દારૃ સાથે બે પકડાયા

પાલીતાણા : પાલીતાણા પોલીસે તળેટી રોડ પરથી બાઈક નં.જીજે 4 એએન1022 લઈ નિકળેલ જયરામ વરસડીયાની 5 નંગ વિદેશી દારૃની બોટલ સાથે અટકાયત કરી હતી. જ્યારે  ભાવનગર રાજકોટ રોડ પર આવેલ નવાગામ એક્સેલ કંપની પાસે રોડ પર વરતેજ પોલીસે દરોડો પાડતા ચિત્રા શાંતિનગરમાં રહેતા રમેશભાઈ દયાળભાઈ રાઠોડને કાર નં.જી.જે.21 7474માં ઈંગ્લીશ દારુની બોટલ નં.3 સાથે ઝડપી લીધો હતો.


વિધાનસભામાં સોમવારે પાટણ પ્રકરણ ગુંજશે

ગાંધીનગર : પાટણના દુદખા ગામની જમીન માટે દલિત કર્મશીલ ભાનુભાઈ વણકર દ્વારા આત્મવિલોપન કરવાના પ્રકરણના પડઘા સોમવારે વિધાનસભામાં પડશે. પાટણના ધારાસભ્ય કિરીટ પટેલે નિયમ 116 હેઠળ જાહેર અગત્યની બાબત તરીકે આ મુદ્દે પ્રસ્તાવ રજૂ કર્યો છે જેને શૈલેષ પરમાર, જિજ્ઞેશ મેવાણી અને ચંદનજી ઠાકોરે અનુમોદન આપ્યું છે. જેઓ પણ આ ચર્ચામાં ભાગ લેશે. વિધાનસભાના અધ્યક્ષ દ્વારા આ પ્રસ્તાવ દાખલ કરવામાં આવ્યો છે.


અભિનેત્રી શ્રીદેવીનું નિધન

મુંબઈ: બોલિવૂડની લેજન્ડ અભિનેત્રી શ્રીદેવીનું નિધન થઈ ગયું છે. શ્રીદેવી 54 વર્ષની હતી. તેમણે દુબઈમાં તેમના અંતિમ શ્વાસ લીધા હતા. શ્રીદેવી એક લગ્ન સમારોહમાં સામેલ થવા ગઈ હતી. ત્યાં હાર્ટ એટેક આવતા શ્રીદેવીની તબિયત અચાનક લથડી હતી અને તેમનું મોત થઈ ગયું હતું. મીડિયા રિપોર્ટ્સના જણાવ્યા પ્રમાણે એક્ટ્રેસના પાર્થિવ દેહને કાર્ગો અથવા પ્રાઈવેટ જેટથી મુબંઈ લાવવામાં આવે તેવી શક્યતા છે. શ્રીદેવાના દેહનું દુબઈમાં પોસ્ટમોર્ટમ કરી દેવામાં આવ્યું છે અને તેના અંતિમ સંસ્કાર આવતી કાલે કરવામાં આવે તેવી શક્યતા છે.